網紅的藏寶箱相信宇宙九大行星最近有一股力量，同我嘅磁場產生咗一種奇妙嘅效果🥰。首先前兩日做Facebook 直播遇到種種冇可能出現嘅問題，搞到我直頭做唔到個節目。
而今晚同爸爸食完飯，揸車返屋企嘅時候，入隧道之前架車突然有少少搶軚，又比我救到冇發生意外🥰，出隧道之後感受到架車好唔正常而且車軚發出奇怪聲音，停車睇睇原來爆咗軚🥶，仲要已經冇乜氣，好彩我諗到附近有間車軚舖，居然慢慢碌到去舖頭門口🥰，但又咁好彩因為星期日佢早閂咗門，而且寫明呢兩日假期休息，等我唔使四周圍再搵🥰！
最後我叫咗拖車，今次真係好好好好彩，拖車師傅喺隔離街食緊飯，打電話俾佢5分鐘後到達😍，9秒9換咗條後備軚，俾埋我啱啱喺櫃員機撳呢幾日用嘅現金佢，10分鐘唔使佢仲可以過返隔離街繼續食埋淡飯真幸福✨。
呢幾日出街我會小心過馬路，唔識有骨嘅嘢，經過大廈會去啲有上蓋嘅地方行，其實唔知仲有啲乜嘢會發生🤔，大家幫幫手留言寫低提提我🙏，等我有定心理準備🥰
Search